Goran Petrović

Në Dorë të Fatit

Përshkrim i shkurtër:

Disa libra i kalojnë dekadat në mënyra të habitshme. Pikërisht  një prej tyre, i lidhur me safian të kuq, Trashëgimia ime, nga Anastas Branica, i ra në duar Adamit, redaktorit të revistës “Bukuritë Tona”. Në pamje të parë, aty nuk ka as subjekt, as personazhe, po thjesht përshkrime. Megjithatë, është pikërisht ky fakt që e bën atë një hapësirë ​​të vetëmjaftueshme, një botë që nuk mund të banohet nga askush tjetër veçse nga lexuesit e saj, të vetmit protagonistë të vërtetë. Adami habitet, por i rrëmbyer nga magjia e këtij universi, ai shpejt nuk arrin më të shkëputet prej tij, sepse, me kalimin e  paragrafëve, shfaqen: një vajzë e re me një kapele formë-kambane, një plakë ekscentrike veshur e ngjeshur si për ndonjë udhëtim të gjatë, një kuzhiniere e shquar dhe një kopshtar tepër kurioz… Kaq shumë takime të pazakonta për Adamin, që i zbulojnë ngjashmëri të çuditshme me realitetin.

Vlerësime:
“Nëse Goran Petrović nuk do të ishte serb, por amerikano-jugor, ne do ta kishim festuar atë si një Garcia Marquez të ri shumë kohë më parë”. – Sonntags Zeitung, Cyrih
“Me këtë libër, Goran Petrović ia doli me atë që rrallë arrihet: të skalitë një nga veprat më të përsosura, që përbëjnë të ashtuquajturën letërsi absolute”. La Jornada
“Duket se duhet të shkojmë në Ballkan për të rikthyer besimin në ëndrrat, fantazitë dhe në pëshpëritjet që rrjedhin nga biblioteka. Ky është mendimi që na vjen kur lexojmë librin, të çmendur dhe magjik, të shkrimtarit serb Goran Petrović”. Lire
“Goran Petrović dëshmon se është mjeshtër i tregimit lirik dhe ëndërrimit.”- Jovan Delic, anëtar I jurisë “Çmim i Madh Ivo Andrić për Arritje Gjatë Jetës”
“Histori të ndryshme dashurie përqendruar rreth një libri, në një koleksion që kremton fuqinë e letërsisë.”- The New York Times

Mbi Autorin
Goran Petrović lindi në Kraljevo, Serbi. Studioi letërsinë jugosllave dhe serbe në Fakultetin Filologjik të Universitetit të Beogradit. Ai mori çmimin më të shquar në letërsinë serbe, çmimin NIN, në vitin 2000, për romanin e tij “Në Dorë të Fatit”. Para vdekjes punoi dhe jetoi në Beograd. Petrović ishte anëtar i Shoqatës Letrare Serbe, Qendrës Serbe PEN dhe Akademisë Serbe të Shkencave dhe Arteve.

Lloji i botimit:             Paperback

Faqe:                           348

ISBN:                          978-9928-377-53-1

Titulli i Origjinalit:      Sitnicarnica Kod Srecne Ruke

1. Botimit: 2025

Vendndodhja:            Tiranë

Gjuha:                         Shqipe

Tipi i publikimit:         Libër

Grupmosha:                mbi 16 vjeç

Përkthyesi:                  Ben Andoni

Çmimi:                        1500 lekë