nga Ana Huang përkthyer nga Ajsela Koka #Roman

Nr i faqeve: 391

Çmimi në kopertinë: 1500 L

Përshkrim i shkurtër

I rezervuar, i kontrolluar dhe i patëmetë, Kai Jangu nuk ka as kohë e as prirje për kaos. Izabela, me flokët e saj të purpurt dhe shakatë pa vend, është kaosi dora vetë.

Me një votim vendimtar për Drejtor Ekzekutiv në horizont dhe një perandori mediatike në rrezik, trashëgimtari miliarder nuk mund t’ia lejojë vetes shpërqendrimin që ajo sjell.

Izabela është gjithçka që ai nuk duhet ta dojë, po me çdo shikim dhe çdo prekje, ai tundohet t’i theyjë rregullat… dhe ta bëjë të tijën.

E fortë, impulsive dhe plot jetë, Izabela Valensia nuk ka qenë kurrë në një festë që nuk i pëlqen apo të ketë takuar një burrë që nuk mund ta joshë… me përjashtim të Kai Jangut.

Nuk duhet t’i interesojë, tekefundit. Nuk është tipi i saj: ai përkthen klasikët në latinisht për qejf dhe fakti që është anëtar në klubin ekskluziv, ku ajo punon si bariste, e bën kandidat rreptësisht të ndaluar.

Por ajo nuk e mohon dot se, përpos pamjes së tij të ftohtë, ai burrë mund ta bëjë të shkrijë me një prekje të vetme.

Pavarësisht sa shumë përpiqen, ata nuk mund të rezistojnë pa iu dhënë dëshirave të tyre të ndaluara.

Edhe nëse u kushton gjithçka…