nga Kenneth Grahame #Roman; #Fantazi; #Klasikët

Përktheu: Manushaqe Bako

Përshkrim i shkurtër

“Ka pasur bota heronj legjendarë,

Çdo fletë historie një të tillë mban,

Po asnjë nuk krahasohet në famë,

Me emrin e madh të zotit Zhaban.”

Kur Urithi arratiset larg mërzisë së pastrimit pranveror dhe nis një jetë të re në Breg të Lumit me mikun e tij, Miun e Ujit, as që e ka idenë për aventurat që e presin. Dhe aventurat më të madhërishme nga të gjitha kanë lidhje me mendjemadhin dhe famëdashësin Zhaban, i cili hidhet në përvoja të dalldisura e më pas bie në burg, viktimë e dashurisë për makinat e shpejta. Për miqtë e tij është një luftë e vërtetë përpjekja për ta mësuar Zhabanin të vërë sadopak mend në kokë.

Ky rrëfim i Keneth Grehëmit për jetën në natyrë ka magjepsur breza të tërë fëmijësh e të rriturish qysh kur u botua për herë të parë në vitin 1908.