nga Emilio Salgari #Roman; #Mister; #Klasikët; #Letërsia Italiane

Përktheu: Dritan Koka

Përshkrim i shkurtër

“Në rripin e gjerë bregdetar të formuar nga delta e Gangut, në atë rajon ishujsh dhe moçalesh, ngrihen pyje të dendura e të padepërtueshme.” Kënetat e  Sandërbandeve, moçalishtet tropikale të grykëderdhjes së lumit të shenjtë për indianët, përbëjnë “xhunglën e zezë”, në të cilën kanë foletë qenie të rrezikshme dhe vdekjeprurëse: tigra vrasës, gjarpërinj helmatisës, pitonë vdekjendjellës, bimë mishngrënëse, po veçanërisht thagët. Këta fanatikë ia kushtojnë hyjneshës së tyre viktimat e mbytura dhe i nënshtrohen pushtetit mizor të kryetarit të vet Sujodanës, “birit të ujërave të shenjta të Gangut”.

Atyre u kundërvihet Tremal-Naiku, “gjahtari i tigrave dhe i gjarpërinjve”, i cili përpiqet ta shpëtojë të bukurën Ada Korishant nga fati i trishtë si priftëreshë e hyjneshës Kalì, së cilës thagët duan t’ia flijojnë.  Është ky romani, në të cilin shija salgariane për aventurën lidhet lumturisht me atë për okultin, ritet e fshehta dhe skenat ekzotike.