nga José Saramago #Dramë; #Nobelistët

Përktheu: Ajsela Koka

Përshkrim i shkurtër

Shkrimeve në prozë e atyre poetike, që i dhuruan famën, Saramago u vë përkrah shkrimet dramatike, ku procesi krijues u nënshtrohet po të njëjtave parime, që mbajnë më këmbë pjesën tjetër të prodhimtarisë së tij, kjo e fundit e bazuar në ndërthurjen mes kohës historike e kohës së trillimit.

Te “Nata” – me shije të fortë autobiografike – shumë i njohuri “Revolucioni i Karafilave”, i cili më 1974-ën i dha fund diktaturës në Portugali, i bëhet sfond trazirave, politike e morale, që ndodhin në mikrokozmosin e redaksisë së një gazete.

Te “Ç’do të bëj me këtë libër?” skena zhvendoset, pa iu larguar Portugalisë, në Pesëqindën, në kohërat e Luis Vas de Kamoesit, personifikimi i poetit më të madh luzitan, i cili lufton me vështirësitë “editoriale” për t’ia dalë t’i japë shtypit kryeveprën e tij: “Luziadat”.