nga Paul Kawczak #Roman 

Përktheu: Vladimir Bako

Nr i faqeve: 242

Përshkrim i shkurtër

Një roman i madh aventurash dhe dashurie, në të cilin qentë qajnë, majmunët flasin dhe nepërkat puthen. Një mëngjes shtatori të vitit 1890, një topograf belg, i ngarkuar nga mbreti i vet për të zbërthyer Afrikën, largohet nga Leopoldvili për në veri. Nën udhëzimin e yjeve dhe me disa instrumente të thjeshta, Pjer Klaesi kishte mision të materializonte, në tokat e egra, rrugën e saktë të asaj që Evropa atëherë e quajti “përparim“. Ai niset në bordin e Lules së Bryzhit, duke rrëshqitur nëpër lumin Kongo, i shoqëruar nga punëtorë të fisit bantu dhe Shi Shiaoja, një mjeshtër kinez tatuazhesh, xhelat i specializuar në artin e prerjes së trupit njerëzor, që zbulon të ardhmen në gjithçka. Shi Shiaoja e di se ç’vepër e neveritshme është kolonizimi dhe e parashikon se do ta dojë topografin. Terri është historia e një gjymtimi. Kowczak paraqet një roman të jashtëzakonshëm aventuror të ndërthurur me erotizmin, një vepër dëshire dhe dhimbjeje të mbushur me realizëm magjik, i cili rrjedh si lot gjaku nga Evropa Veriore deri në zemër të Afrikës mbi fytyrën e Historisë.