nga Celia Lashlie #Prindërim; #Sociologji

Përktheu: Manushaqe Bako

Numri i Faqeve: 200

Përshkrim i shkurtër

Djemtë adoleshentë – ata duket se zhduken në një botë tjetër, ku mezi komunikojnë dhe ku makinat e shpejta, alkooli dhe droga janë tundime konstante. A do të mbijetojnë për t’u bërë burra të mirë? Si mund t’i kuptojnë prindërit dhe shkolla e t’i ndihmojnë ta kapërcejnë këtë fazë të vështirë dhe të rrezikshme? Celia Lashlie ka disa nga përgjigjet. Pas shumë vitesh pune në shërbimin e burgut, ajo e di se çfarë ndodh kur djemtë bëjnë zgjedhjet e gabuara. Ajo e di, gjithashtu, çdo të thotë të jesh prind – ka rritur e vetme një djalë dhe ka pasur frikë për mbijetesën e tij. Në këtë libër zbavitës, të çiltër, joabsurd, studiuesja dhe komentuesja sociale Celia Lashlie zbulon çfarë ndodh në botën e djemve, një botë krejt e ndryshme nga ajo e vajzave. Me qartësi dhe mendjemprehtësi ajo u ofron prindërve – sidomos nënave – këshilla praktike dhe inkurajuese për t’i rritur djemtë që të bëhen burra të mirë, të dashur, elokuentë.

Celia Lashlie  (10 Qershor 1953 – 16 Shkurt 2015) ka qenë punonjëse burgu, avokate e të drejtave shoqërore dhe autore. Puna e saj në Kolegjin Nelson çoi në projektin “Burri i Mirë”, ku Lashlie punoi me adoleshentë të 25 shkollave në Zelandën e Re, duke këshilluar prindërit si të rrisin djemtë përmes librit të saj “Ai do të Bëhet i Mbarë”. Ajo ka folur gjerësisht mbi këtë temë në Zelandën e Re, Australi, Afrikën e Jugut dhe Shtetet e Bashkuara të Amerikës.